Нуой, ноколоор! Нуой, хотуктаар! Бу олорон Истэ билгэлии, Көрө бүдүүлүү, Көрүү көрүүлэнэ олордохпуна: Илин итии муораны, Иһит иитин курдук, Эргийэ түһэ сытар Эмиэрикэ сиригэр Элбэхтэн элбэх Эр сүрэхтээх, Эрчимнээх иниирдээх, Эгэлгэ мэйиилээх Эр бэртэрэ Бэркэ-бэркэ биһиги Эрэстииттэр диэки Эргичитэн саныыллар, Эргистээн көрөллөр, Элиэтээн ааһаллар эбит ээ... Онтон баара Ордук томороон долгуннаах Оруһуоллаах уулаах Охуоскай муора Собуруу уһугун диэки Одуулаан көрбүтүм: Уу арыылара дойдулаах, Олуона кирчим олохтоох, Чолоруспут быһыылаах, Чоруун бэйэлээх, Дьобус унуохтаах, Дьобурдаах идэлээх Дьоппуон омук То5о эрэ, тобо эрэ, Тоноллоон туран, «Тоһобос дьокуут омук» дии-дии Тонолуппакка тобулу Одуулуур буоллађа үһү, доботтоор!.. Кылбађар дьүһүннээх, Кынтађыр быһыылаах, Кынкынас саналаах, Кыталык кыылым