Мисаллардан гади җөмләләрне, тезмә кушма җөмләләрне һәм иярченле кушма җөмләләрне табыгыз. Иярченле кушма җөмләләрдә, сорау биреп карау юлы белән, баш һәм иярчен җөмләләрне билгеләгез, аларның схемаларын сораулары белән бергә языгыз (баш җөмлә — квадрат җәяләр, иярчен җөмлә түгәрәк җәяләр белән күрсәтелә). 1. Кояш нурлары дала кылганнарын сыйпап узды, өй кыеклары буйлап йөгерде, казармалар түбәсеннән атлап үтте. («К. у.») 2. Ул үзе менә монда утыра, ә күңеле әллә кайларда йөри. (Ә. Ф.) 3. Алар барысы да, сикереп торып, стройга тезелделәр, чөнки машинада генерал үзе килгән иде. (М. М.) 4. Казан - Чаллы юлын салу тәмамланды, шуннан соң эшчеләр Каманың теге ягына күчерелделәр. (М. Х.) 5. Бу трасса сез йөргән элекке иске юлдан бик ерак. 6. Күтәрү краны килсә, түбә ябу тиз тәмамланыр. (Г. Ә.)